Ganz churz isch dä Summer nomol do gsi und mir hend üsi Herze mit viel Wärmi gfüllt. Denn ez het di wärmschti Johresziit em Herst würkli müesse wiichä. 🍁 🍃 🍁 

Am Samstig, em 27.09.25, lömmer üsi Herzenswärmi wieder is Markt Kafi flüsse. Dä Flohmarkt findet uf em Gruebplatz statt und mir freued üs uf zahlriichi Bsuecher während üsnä Öffnigsziite vo 8.30 - 14.00 Uhr.  

Mir werdet eu wieder mit Folgendem verwöhne: 

- feinstem Kafi/Tee i diverse Variatione

- frische Gipfeli

- durschtlöschende Chaltgetränk (für die, wo doch no hitzig underwegs sind)

- änere feine Vegi-Quiche

- Brootwürscht und Stümpe vom Grill mit eme knusprige St. Galler Bürli

- leckere Brownies für dä süessli Nomittagsgluscht

- & bi jedere Bstellig gits wie immer gratis no ä Lächle däzue. :)

Bis uf bald!

Dis Markt Kafi Team